O krisime prekal video konekcija jertisargje pe bašo odova so frdena sine o monete primal o Romnja so mangena sine devlenge ko ploštadi Plaza A ko Madrid. Ko vakti tari fudbalsko meči ki Liga e šampionengiri ko 2016 berš.
Štar murša sine krisime baši diskriminacia ki konekcia e incidentea so sine ko Madrid ko 2016 berš , em ka pukjinen po 1.500 eura sar finansiska kompenzacia e Romnjenge so sine diskriminirime kote ola keren peske sine zabava anglal o fudbalsko meči tari Liga e šampionengiri ki šerutni diz ki Španija.
Sa o štar džene sine fudbalsko fanija e timeske PSV Ajndhoven so sine ko Madrid te dikhen olengere time sar khele mujal o Atletiko Madrid ko 15 mart 2016 berš . Ko tetradi (sreda) o madridsko kriso angja akaja decizia soske kergje diskriminacuja upral 4 Romnja so mangen sine devlenge ko ploštadi ki Plaza.
O video so sine kerdo taro duj studentia prekal đurnalistikani škola UAM – EL PAIS sikavel e Romnjen sar khedena monete so o tifozija taro Ajndhoven frdingje len ki phuv em terinen sinelen te keren sklekia te šaj den len o pare.
KI tetrad akceptiringje o krisime I globa trin masek phanlipa em te pukjinen po 1.500 eura sakone romnjake . O ombdusmano rodel sine phanlipa jekh berš em komšpenzacia taro 600 eura.
