Bugarsko bokseri mulo ko vakti e boks mečeske ki Škodra, Albania, em o anav sine leske Boris Stančov, a na Isus Veličkov , sar so sine vakerdo tari Bugarsko boksersko profi federacia. O Stančev uklilo thaj khuvgja ko ringo telal anav Veličkov, vakeren e bugariakere mediumia.
O korkoro Veličkov prekal o statisi ko socialno netvorko sikavgja bibaht bašo meriba taro olekoro kolega.
Lokhi ti phuv šampione ! Sako drom ka legarav tut ko vilo, hramosargja o Veličkov.
Akana nane panda jasno sar alo dži ki trampa ko anava em dokumentia. I sasti situacia trubul te dikhel o ofiso e boksekrko profesionalno federaciake.
O bugarsko bokseri Boris Stančev sine le 21 berš thaj mulo ko hospitali ki Albania. Premal lokalno albansko mediumia , ov na mulo taro khuvibe ko vakti e mečeske, numa taro infarkti. Udžarel pe kaj i obdukcia ka del o definitivno rezultati.
