Vaclav Sivak , šampioni an i Čehia kiu kategoria K-1 an o Trenčin an o Muj Tay thaj viktoringja pire konkurente Lukaš Mandin. Ov ko sasto meči sine le kontrola ko sa o 5 runde. Šaj vakerel pe kaj oleskoro da rivali sine čalo so o meči na agorkergja angleder nokautea. Ko agor kana sine i ceremonia ko margja , o Sivak i viktoria ustavlkergja la romane bajrakoa an i men.
O Vaclav Sivak ko sasto meči khuvgja bizi dar thaj respekti te šaj viktoririnel . " An o meči khuvgjm hazri te legarav i viktoria" vakergja palo meči e mediumenge.
Aso o mediumia an i Čehia akana o Sivak si le akharin te avel ko aver rango -kategoria pendžardo sar MLD. " Akaja akharin mange si baro respekto thaj ka džav. Numa miri manglin si panda K-1 thaj i tehnika Muj Tay" vakergja o Sivak.
O Vaclav Sivak an i akaja kategoria ka ovel promovirime an o 29 mart an i Praga ko profi K-1. O anav taro oleskoro rivali panda na džanel pe.
Link: http://www.romea.cz/cz/zpravodajstvi/vaclav-sivak-oslavil-vitezstvi-na-muay-thai-ev
