I Asociacia “ Esma Redžepova thaj Stevo Teodosievski” asociacia so arakhel em kerel promocia o aktia taro akala bare amare artistoa ems a o representoa taro ansambl Teodosievski , akala dive angje decizia te kheden civilno signature kote ka roden dikhiba e premierea Zoran Zaev te šaj sikaven piro bičalipa sebepi so o kher si mukhlo em čordo.
I Asociacia ko jekh ka rodel džovaplipa soske I them ake štarto berš na legarel nisavi sevdža sar ola so vakeren o “Muzei tari Esma em Stevo teodosievski” O Ministeriumo kulturake preml lende si jekhutno tenstamentalno persona em trubul te vakerel so gindinel majodoriga akale objektoa. . Sebepi so o spori panda nane le kriseskiri decizia rodaja antvorto taro Premieri e themakoro . Informirinaja savoren so respektirinen o kerde aktia tari Esma thaj o Stevo Teodosievski dopherdo ka oven informirime kova dive ka čhiva štando ko centro e dizjake te šaj savore dena piro suporto kote ka den piri signatura.
-Ake nakhle 4 berša sar muli I Esma , a I them na sikavgja nisavo interes e khereske kote mire mentoria em jeria I Esma em o Stevo , vakerel o Simeon Atanaosv.
Ni jekh artisto sar so si I Esma em o Stevo na mukhle piro kher ems a so isi len e themake so kergje le ko vakti tari oelngiri kariera. Odoleske o institucie na troman odova objekto te properel, dopherela o Simeon Atanasov.
