Lp starti taro masek oktomvri duj e Romen margje ko busi ko drom kana džana peske sine khere ki Batajnica. . I rakhli so sine svedoko akale akteske vakerel kaj motivo sine salde soske ola si Roma. O epilogo nane pendžardo panda soske i Policia na dengja disavo informacia akale akteske.
Ko than te keren parti e nevebeijade diveske ko 1 Oktobro o Velibor Trajković em oleskiri romni i Halisa ulo lenge bibaht. Kana avena sine tari buti taro bikiniba ko kurko ko busi 706 .
„ Kana manglju te arakhav čučo than bešipaske ko majbrutalno forma sine čhinavdi „Me pučljum šaj li te bešav, ov astargja man te marel man boksencar . Tegani mo Rom pučlja so kerela mancar em te braninel man tegani oleske da irangja pe em počmingja te khuvel ole prencar em vastencar.„ vakerel i Harisa Trajković.
Sa o manuša ko busi dikhena sine odova momenti ama salde i Milica Marijanović rupingja.
Ko momenti ko jekh buseskoro stasioni dikhle policajcia em ačhilo o busi. Kana o manuš so khuvgja e Romen hulilo ov irangja piri versija lafencar kaj ola mangle te maren ole em te loren ole.
„Tegani i Milica vakergja te sine agjaar aj neka sikavel po ranco kobor love sine le, ama oleste na sine ni love“ vakerel i Halisa.
I policia mukhlja e rakhle vvakeribaja kaj ki oleste na sine khanči nalegalno erm salde vakergje lenge kaj ola ka notirinen akava incidenti ko stasioni, ama na mukhel len ola te džan ki policia te vakeren.
Akava incidenti isi elementia taro rasizmi em o institucie trubul te reagirinen vakeren tari organizacia A11.
