I Majka Tereza si bijame sar Gondža Agneza ko Skopje, ko 1910 berš, ko vakti kana I diz sine telal Otomansko imperia , ki albansko-rimokatoličko familia sar trinto čhavo ki familia Bojadžiu, trujal I phen i Aga (1904) o phral o Lazar(1907). Džanel pe kaj olakoro dat o Nikola sine tari vlaško jekhin.
Prekal I lipar so vakerel sine o phral tari Gondža o Lazar, I familia Bojadžiu si taro Prizren, a I daj em o dat olengere si bijame ko Skopje.
Karaktiristično olakere familijake sine odolea so sine but hemime prandina.
Ko odova vakti ko Skopje sine buvljarde but I trgovia em sine pendžardo trgovsko centro, multikulturno em multureligisko trujalipa. Siklili te kerel komunikacia savorencar, em okola so si len diferentno čhibjaja, em pali kultura em pali I vera em I percepcia prekal I lumia. Odoleske em isi pherdo fotografieem ko romane šeja, soske sine la pherdo kontaktoa kop lo romano trujalipa em pašipa e romane familiencar so but mangela len sine.
