I policia tari Pula ki mahala Kavran, astargja duj personen so si šubikerde kaj kergje buteder došperavibaskere aktia, taro falsifikato dokumentia dži ko reketi.
Sar so hramosarena o mediumia jekh olendar si o Nijaz Čaušecić Medo (66), so si konektirime mudaripaja romane čhaven ki Bosna thaj Hercegovina ko vakti e maribaske, a o dujto astardo si notirime kaj si oleskoro čhavo.
Prekal o mediumia o Nijaz Čaušević Medo vakergja kaj lelja than ko mudaripa e romane čhavenge sebepi biznis e organincar, ama palo odova ov negirinel sine. O masakr ulo ko 1992 berš ko gav Sjekovica trujal Bosanski Brod, kote o trupia sine arakhle em ekshumirime ko 2004 berš.
O advokati Duško Tomić vakerel kaj o Čaušević ko plo vakti vakergja kaj o preperutne tari Croatiakoro askeri (HOS) mudargje e romane čhaven , so busea dromaren sine tari Bosna primal I Europa. E čhavenge sine ikavde o organia so palo odova bikinen pe sine ko kalo marketi manušengere organencar.
O Čaušević bašo croaciakere mediumia vakergja kaj nikana angleder na šungja asavke kerde bibahtake, em odova ov na kergja, ama prekal piro personalno notacia , ki BiH našti te khuvel soske odothe si notirime sar persona non grata sebepi purane askereskere kerde bibahta.
Link: http://www.portal-udar.net/hrvatska-uhapsen-muskarac-koji-se-povezivao-s-ubistvima-romske-djece/
