Akalaberšeskere parlamentarno alusariba ko UK sine notirime sar but importantno
Buteder lele em sine len kritikani percepcia sebepi o urgentno plamo bašo Bregzit trujal o baro numero dezinformacie., hohavne dende lafia statistika em notacia ko vakti e kampanjake aso o notacia taro First Drafta, 88% vakerina taro torievcoa efta divesa anglal o alusariba sine len hohavne konstatacie – o kritičaria tari konzervativno partia ko akala alusariba em alusaribaskere rezultatia astargje em olengiri politika mujal o Roma em Travelsoa ki Britania.
Prekal jekh manifesto taro 64 riga o torievcioa sine len konkretno plano e manteleperavde minjoriteteske ki Britania trujal so sine ilustririme ko nekobor lafia ov daravgja but e Romen em Travelson.
Ki deš thaj enjato rig taro manifesto isi akava: Ka faislakeras o problemo e nalegalno nomadsko romane kamponge . E policiake ka da sa o prioritetoa te šaj phanen em len o imotia em vordona so astargje teritoria em phravgje kampo, te šaj te kera protektiva amare jekhinake . Okova so ka kerel odova e phuvjaja ka dikha le sar seriozno phagiba o kanoni em ka dale ko kriso.
Link: http://www.romskiportal.com/2019/12/20/sto-rezultati-britanskih-izbora-znace-za-tamosnje-rome/
