Trujal so i edukacia na trubul te ovel privilegia , numa niami so kanonea si zagarantirime, bizi diskriminacia ušpral o čhave , ama ki praktika nane agjaar.
Legarde taro akala anomalie , o Konsili Europakoro (Council of Europe Dialogue) so iniciringja kolaboracia e romane jekhinaja so ka kerel maripa mujal I segregacia ki edukacia em diskriminacia upral o romane čhave.
Ki deklaracia akcentirime si pobuter problemia so arakhen pe o romane čhave ko edukaciakoro sistemo em dena nisave faisalia. Ola si čhivde te džan ki škola ko aver škole tiknjared e edukaciakere planoa thaj programaja. Sar rezultati odolestar isi len majbilačhe edukacia em diskriminacia taro edukaciakoro personali.
Odolea kerel pe majhor hulajbe em majhor čorolipa soske nane te ove lačhe pukjime pe bukjake em ka resen diferenca ko plate maškar o Roma thaj o aver dizutne.
