O roma so si ko Vodnjan, tikno than trujal i Pula kote olengiri jekhin sine majzorali em majbari ki Istra saste našavdili. Nekanutno šerutno kurko ko centro e dizjake thaj o drom pendžardo srat Trgovačko, sine than kote kheden pe sine baro numero manuša, khelen sine, lafikeren sine em sako drom sine pherdo, akana nane manuša. Odothe sine em Romane čhavenge garteni.
Avdibve odothe nane niko, o garteni si phanle. Kaj si o manuša so angleder štar berša sine pherdo a akana nane niko?
Pobuter olemdar vakeren kaj i Kroacia sar khuvgja ko EU, gele avri te šaj te ovel len majlačhi egzistencia em dživdipa.
-Oja čače akan si but hrai. Kana sium sine direktori ki akaja škola sine pobuter taro 50 Romane sikle čhave. A akana si hari pobuter taro 10. Kobor so si mange pendžardo majbut olendar gele ki germania em francia. - vakerel o diurektori e školake ko Vodnjan o Korado Giraldo.
Aso o informacie taro pobuter Romane NGO ko akava regioni angleder 7-8 berša gejnel sine pobuter taro 500 Roma, a akana olengoro numero si hari paše dži ko 150 Roma.
