„Na troma te pia kafa ko disave kofičia ko centro e dizjake soske siem Roma thaj gej. Na mukhen amen andre te khuva em te beša"
Akava si jekh taro buteder egzamplia so vakeren o Romane preperutne tari LGBT jekhin kana si i tema olengere niamia, thaj sar legaren pe o manuša premal olende thaj o institucie, thaj o sasto sasoitnipa aso olengoro seksualno hulavipa.
- Vakeren amenge kaj romane buljašenge nane odothe than thaj trubul te dža ki gasno komora - vakerena ola.
- O LGBT persone tari romani populacia si len diskriminacia em tari romani jekhin sebepi olengiri seksualno orientacia thaj identiteti m aji LGBT i jekhin palem si diskriminirime sebepi so odothe da na kamen olen soske si Roma,
Ola darana te roden pire niamia . Odoleske majbaro kotor olendar taro LGBT Roma ki Makedonia džana peske , jali keren plania te ikljove tari them ko stranstvo.
