Pali havljarin taro Premieri Zoran Zaev odole famozno "Metlake" phravdilo fronti bašo eventualno užariba an o nesave Ministeriumia an o Govermenti e RSM. Maškar o avgo taro romano politikano bloko sar mangin reagiringja o aktuelno deputato an o parlamento taro PCER o Samka Ibraimovski kaj "pikirinena" o Ministeriumi baši Sociala.
Odoja informacia iklilii palo agor e dujto rotake taro Presidenteskere alusariba . Aso o Ibraimovski o kapacitetia taro PCER si "majkompaktibilno" te kerel buti an o odova Resoro thaj šaj ov da sar aktuelno deputato an o parlamento te ovel ministeri.
Ko akava momenti šaj li o Ibraimovski peste "vazdela" thaj gindinel kaj o SDSM ka šunel ole te del le asavko resoro baš e Samkaske. Gindinel li ov kaj si odova čačutni persona taro romano politikano bloko so isi le but buti kerdo em majbaro aktiviteto so trujal jekh resoro valjani te del lče panda jekh resoro te legaren?
Kaj si akate o aver koaliciono partneria taro romano bloko? Ola si len li asavko džanlipa te legaren jekh asavko ministeriumi sar so si i Sociala?
Dujto notirimi buti si kaj pali dendi havljarin taro Ibraimovski te legaren o Ministeriumi baši buti thaj Socialno politika pučaja amen dali o SDSM bičhavgja leske "alarmi" kaj na trubul ko akava momenti te zadinel o Ministeriumi baši Sociala olengere kadare i Mila Carovska thaj o Ibraimovski nane merodavno te notirinel ko kerel lačhe jali bilačhe piri buti. Šaj taro Goveremnti sine alarmirime kaj oleskoro akana dendo Ministeriumi bizo resor so si telel oleskere ingerencie sine li aktivno sar so trubul , Save rezultatia oleste isi le? Sukcesi li te organizirine salde manifestacie sar so si organizacia 8 April, 2 Avgusto jali 5 Novembro. Kaj si oleskere rezultatia tari edukacia, sastipe, kultura, kherutnipa thaj aver. Jali si importantno salde te džal pe ko dromia - konferencie so pukjinel o Govermento em džal pe odola droma ko than taro Ministeri ov pire sekretarkaja, asistentka em aver, bizo desave bare rezultatia thaj kote del o raportoa so kergja ov odori. Dengja pe li godi kaj o Govermento šaj te kerel te kuninel em odova Ministeriumi bizo resor so si dendo leske te ikavel le odothar?
Palo odova o Ibraimovski ko piro personalno FB profili hramosargja statusi sar palo "mamurluko".
Ov odothe "tromarel i situacia thaj mukhela i topka an i phuv" thaj bizi bari euforia ki desavi forma ikljola kaj akana jertisarel pe e Milake thaj korkoro "gutinela ple lafia" so sine ikavde!
Alo li an i piri godi jali neko upraldan vakergja leske ma te "rupinel" but -ka sikavel o vakti.
Trubul te džanel pe kote "vazdibaja" pe akcie si but negativno trendi thaj ko desave momentia trubul te ovel manuš realno, trezveno e momentalno situaciake!
Molinen pe o politikane lideroa te phanen pe e sekjuriti kaišea thaj ma te ujran but učeste soske o turbulencie aven taro jekh drom bizo džanlipe thaj šaj legarel tumen ko na planirimi trasa! Tegani i moldi šaj te pukjinel pe but kuč.
I RDS analizadžala majodoriga..
O stavi taro teskti si personalno taro RDS thaj si avri tari redaktorsko politika e web portaloske Roma Times
