Sako starto si la agor! Odova si saste pendžardi fraza kana o bukja džana majtelune liniaja . Kana si an o pučiba o romani politikani garnitura evidentno si kote an o agorutne trin decenie palo formiriba e jekhto romane politikane partia PCER kote si formirimi thaj sine avgo romano deputato an o makedonikano paralmento o rajo Faik Abdi so akana nane maškar od dživdie tari odoja parta sa dži ko avdisutno dive iklile anava so akana da čhivena pe sar legarutne politikane faktoria maškar o Roma so funkcionirinen numa pire partiencar.
Maškar olende si o Amdi Bajram, Neždet Mustafa, Šaban Saliu, Samka Ibraimovski, Bajram Berat thaj avera. Ola ko akava periodo sine len "privilegia" sar koalicia te khuven a no politikano dil e duj majbare makedonikane partiencar o SDSM thaj VMRO DPMNE .
Thaj sako drom o "pazarluko" sine interesno salde ko piro personalno anav te pozicionirinen pe majučeste an o alusaribaskere liste thaj aver hurde benefitoa. Odova vakti akana nakhela. Odoleske del pe o pučibe: "Si li vakti baši "Metla" an o hardžimo thaj pirano romano politikano kadari?" Soske?. Soske dikhela pe o rezultatiatari purani garnitura! Vakti si baši taze politikani infuzia. Trubul neve moderno thaj avangardno idee thaj strategie.
Odova kapaciteto si le thaj maškar i phureder garnitura iskusnoo manuša bizi politikani fleka numa bare politikane džanlipaja so si len kapaciteto so nakhavgje piro sasto angažmani ko internacionalno institucie, thaj isi terne manuša so mangena asavko aktiviteto.
Trubul manuša so džanena piri buti thaj o Roma olen mangena. Bizo dikhiba maškar peste i fraza "me džanava thaj šak me sa korkoro te kerav" majlačheste ka funkcionirinel salde fuzijaja ternipe thaj iskustvo. Odova si i jekhutni formula thaj šansa sukceseske sar nevi dalga an o makedonikano romano politikano stejdži.
Jekh mesažo dži o terne so si len "baro apetiti" politikane funkcienge o phure vakerena : " Sa so ujrala na hala pe".
O suete na trubul te oven aktivno. Lačharipaske pire naciake trubul amare suete te čhiva olen an o gepeko . Salde čačutne, phravde an o jakha te dikha amen!, O kvaliteti ka ikljol ko momenti. Jekh si te beše sasto dive an o nesavo afiso thaj te de "godi" savorenge, a aver si o terensko aktiviteto thaj te džane o faktia. Majfer si te kere buti ojkoleske so sikljoljan thaj si tu diploma . Testi jali proba na nakhena. Soske ka ikljol sar so udžarel e purane garnitura "Metla".
Ma te ovel palo odova sar okova vici: Dengje man ponuda te khelav ko jekh porno filmi! Ko agor iklilo kaj miri rolja aktersko si te khelav e Rome e šerutne porno starletakoro so ka džal an i buti a oj ka ačhol korkoro khere. O agor dđanela pe!
I RDS analizadžala majodoriga..
O stavi taro teskti si personalno taro RDS thaj si avri tari redaktorsko politika e web portaloske Roma Times
