Sar sako berš taro 1991 berš thaj akana tradicionalno sako nilaj ikerel pe o MISS Internacionalno majšuži Romani čhaj 2016

Akava da drom ko but lačho ambiento taro Hotelo Kontinental an i organizacia tari SP BTR Produkcia thaj o Zoran Dimov an i scena prodefiliringje 9 kandidatke an i konkurencia te šaj legaren i kruna so persi berš reslja la tari Srbia, Ivan Redžepović.

Ko lačho ambienti anglal o misafiria ko nekobor rote prodefiliringje o misice tari R.Makedonia, R.Bugaria, R.Hrvatska, R.Slovenia, R Austria, R.Germania thaj R.Srbia.

O romano biav si 5 divesa thaj o anglutno mangljariba e bojrake so si pendžardo sar "nišani". tegani den pe o angrustika e džamutreskiri familia e bojra den la garderoba, menie thaj aver. O biav standardno startujnel ko trintodi kana džana ko hamami. Odote džan i majpaše džuvljani familia thaj amalinja.

Odova dive lačharel pe i avlin. O štartodi ki bori nakhaven o dive o majpaše džuvlja amalinja thaj i sasuj soske ko rakjakere divesa čhivela pe i kna. Odoja rat i sasuj anel i garderoba e bojrake so ka uravel bašo biav.