Lungo, rošali, kerde bala, so sine len roš sar mazno mermerno ploča so kana astareja la sat tato somnakaj si o sensi, i egzotično Kol stilizirinela o jakha kote dikhel pe sar te khuevn andre ko to ilo, sung bari trujal savorendfe sar majmistikano temjani. O romane džuvlja si jekh taro majšuđe an i lumia. Si li savore biame asavke šužipaja? Buteder olendar oja numa na sa.

Okola so nane ola šaj keren opservacia thaj te notirinen i mistika e šužipaske so tranformirinena asavko šužipa so khuvela tumen sar kamšiko.

O Roma aven tari indisko kasta "naastarde", zojrakerena i genetsko studia so kergje la indisko thaj estonsko naučnikia. Ko rodaripa so lelja than o profesori dr Tomas Kivisild taro Univerziteti Kembridž, sikavel kaj o Roma an i Europa ale tari India angleder 1400 berša.

Ko pervazia e studiake so o rezultatia havljarde si an o magazini " Nejčer" o analizirime Y hromozomia tari DNK analiza so kerde si paralela e genetsko signaturaja taro europakere Roma thaj milja Indijcia taro sa o riga e Indiake.

O naučnikia taro Centari e kelisko thaj molekularno biologia an o Hajderabad thaj olengere kolegia tari Estonia thaj Švajcaria kergje paralela e  upreder 10.000 genetskop  egzamplia tari diferentno 214 etnikane grupe an i India.