Ake alo odova da dive thaj o majnevo produkto taro SP BTR an o dokumentarno filmeskoro produkto, an i koprodukcia e Studio 7 thaj finansiko suportoa taro Filmsko Fondi e Makedoniake kote i premiera ka ovel an o 1 Mart an i Kinoteka e Makedoniake an o Skopje.
taro organizatori - producento e filmeske Zoran Dimov si havljarde kaj ka ikerel pe taro 19:00 časo thaj akaharde si buteder misafiria.
O Dokumentarno filmi "Lokalno heroia - Lumiakere Talentia " konektirinela teme so aktuelizirinel likia - Roma so keren zori te eliminirinen stereotipia mujal o Roma kote prekal odola persone bičhavel pe jekh mesažo mujal o aver nacie.

Dejbaja but droma o pučiba : " Sar thaj kobor šaj i Romani nacia te implementirinel proektoa an i kultura an o odola pervazia so angleder sine pobuter mandatoa taro nakhle govermentoa (konektiribaja thaj akava) sar kotor taro aktivitetoa o Ministeriumi bizo resoro an i implementacia e strategiake e Romenge , so sine formirime bukjarne grupe te keren Akcisko planoa vash realizacia e proektenge tari kultura.

Aso pire informacie o RDS - Romano Demokratikano Sojuzi dikhibaja o anglutne kreirime Akcisko plania e Romane kulturake evidentno si kaj ola sine salde figurativno čhivde odothe sar aktiviteto e anglutne legaripaske taro romano politikano bloko so sine an i koalicia e anglutne govermentoa thaj dikhlo si o pasivno aktiviteto taro odla ministeriumi. Ola ko jekh ni jekh drom na dengje asavke konkretno akciono plania kulturake trujal so sine šansa te len pe love.