Sar jekhnotirime plania sar sako berš akava da taro 25-27 maj 2018 berš i SP BTR Produkcia akava drom e hrvatsko organizaciaja "Udruga Roma Istre" - Pula Croatia, ka organizirinen o Tradicionalno " Mis Internacionalno Romani majšuži čhaj 2018"

Akaja manifestacia tradicionalno kerel pe sine ko nilaeskoro periodi an o Skopje.

Sebepi o interes thaj atrakcia akale manifestaciake , trujal i SP BTR Produkcia sar koorganizatori ka ovel thaj i "Udruga Roma Istra" tari Pula thaj olakoro presidento Veli Husein sar koorganizator.

Sebepi 8-to April - Internacionalno dive e Romengoro sar sako berš thaj akava da palo 16-to drom ka ikerel pe an i organizacia tari SP BTR o Filmeskoro festivali "Somnakaeskiri Rota".

O aktivitetia startujngjhe workshop thaj realizacia e majternencar ko keriba "Jekhminutengoro video"

An o 10 thaj 11 April an i Kinoteka an i R.Makedonia ko Skopjer startujnen i proekcia taro filmia so ka resen dži ko phursako Grand Prix.
Akava berš ko duj divesa ka ove sikavde 10 filmia taro USA, Grcia, Ungaria, Srbia, Egipet, Holandia, Francia, Bugaria thaj Germania.