O kardinali Alojzo Stepinac džanela sine bašo kerdo bibahtalipa ko vakti taro Dujto Lumiakoro Maripa kote o Ustašia taro NDH keren sine upral o Roma, Srblie thaj Jaudie a akaleske isi faktia so si an o dokumento so si arakhle an o arhivo tari Vojvodina.

O Stepinac bašo o genocidi so sine kerdo upral akala manuša an o Jasenovac thaj Nova Gradiška isi ko detalno liloro so sine informirime taro jekh svedoko bašo odola bibahta kote ov dengja piri signatura sar "katoliko hristiani , a palo odova sar Hrvati"

Odova sikavel thaj o orginalno dokumenti taro germansko sekjuriti ofiso so sine oficialno štembilea an i piri arhiva dataja 8 fevruari 1942 berš.

- I sasti bibaht nane salde o mudairpa. Phure manuša, džuvlja thaj čhave sine tretirime but bilačheste angleder te oven ola mudarde. Bibahtake but Roma, Srblie thaj avera sine kovime ko trupcia, a i jag tharel sine olengere breha. Sine dživde tharde an o pire khera thaj khangira. Palo odova čhorena sine keravdo pani upral olende, ikaven sine sano sloj tari morthik, a o ratvarina sine čhivdo lenge hurdi pošik thaj lon - akcentirime si an o odova liloro.

Link: https://www.srbijadanas.com/vesti/region/stepinac-cutao-o-zlocinima-ustasa-isplivali-novi-dokazi-o-krvavom-piru-nad-srbima-jevrejima-i-romima-2019-02-07

O logori Lolo Kriso an o Niš formiringje le o germancia an o septembro 1941 berš. An o logoro sine phanle baro numero Roma, Jaudie thaj avera.

Taro odova logori nakhle 30.000 manuša kotar so 10.000 sine egzekutirime an o Bubanj potok, a baro numero sine deportirime an i Austria, Germania, Polska thaj Norveška kote sine legarde ko odola logoria.
Mučiba, egzekucia, šudro, bokh sine upral o Roma, Srblie thaj Jaudie so sine saste telal i tortura.

Tegani an o 12 fevruari 1942 berša grupa taro 147 logorašia atakujngje e stražaren ko mangipa te našen taro logori. Tegani resle 105 logorašia te našen, a 42 sine mudarde. Odova sine avgo organizirimo našiba tarop desavo logori ki teganutni okupirimi Europa.

Palo odova majzoralo o terori an o odova logori so sine kerde o majkale eksperimentia so peren e manušeske an i godi , thaj odova terori sine sa dži ko septemvri 1944 berš kana sine tromalkerdi i diz Niš.

Link: http://rominfomedia.rs/nisobelezavanje-godisnjice-proboja-logora-na-crvenom-krstu/