S.O. (20) si astardo ko Kosovo Pole so si šubikjerdoi kaj pobuter droma kergja seksualno atako a palo odova mudargja jekhe 12 beršengere Romane čhave kaskoro trupo sine arakhlo ko pašipe olekere khereske akcentirime si ki informacia taro mediumia.
Oleskoro trupo sine arakhlo angleder jekh kurko , kote ko avgo momenti na džanel pe sine so si o faktori akale meribaske . Ko šero e čhaveste sine ratvarina so gindingja pe kaj o čhavo mulo taro khujba.
– Na sine pendžarde sine li o čhavo khuvdo taro vordon, jali pelo tari disavi prikolica jali pelo taro desavo objekti ko drom. Sine šajdipa kaj o čhavo mulo taro khujbe nesave predmetoa ko šero - sine akcentirime tari kosovakiri policia.
Kana kergje i obdukcia sine dikhlo kaj e tikne čhave sine majanglal seksualno atakujme thaj palo odova mudarde . I daj e čhaveskiri e policiake vakergja kaj angleder da olakoro čhavo vakergja lake kaj si le daravina em maltretiriba tari disavi muršani persona.
– Ko odova konteksti i policia kergja rodaripa em lociringje dži ki odoja persona kaj kergja odova pjaro kanonikano akti - mudaripa em sine leske notirime 39 dicesa phanlipa.- akcentiringje tari i policia.
Aso naoficialno informacie o šubikerdo S.O. ko policiakere pučimata arakhel pe sine salde traipaja.
