O Marosh Hadzega kamel te bikinel piro familiarno kher ki diz Poloma ki Slovakia. Numa o lokalno dizutne fakti si kaj aso olende šaj jekh romani familia te kinel odova kher te ovel paše olende.
Sar so informiringja o gazda e khereskoro o Hadzega i romani familia vakergja leske kaj nane zainteresirime te kinen odova kher . Ov vakerel kaj panda na angja decizia kaske ka bikinel piro kher.
O Hadzega angja decizia te bikinel piro kher prekal Agencia bikinibaske khera.
"Buteder potencialno klientia ale te dikhen o kher so si Slovakia , a maškar olende avili thaj akaja Romani familia te dikhel o kher " vakerel o Hadzega e slovakiakere mediumia.
Aso oleste i romani familia so ali te dikhel o kehr sine "situirime thaj but respektabilno"
O Hadziga vakerel kaj oleskere komšie šaj dikhle e romen kaj avile te dikhen ola da o kher so si bikinibaske thaj kergje te na kinel pe akava kher taro Roma ma te aven ki Poloma "Od tegani si bibaht me familiake" vakerel ov.
