Sar sako drom phravdo thaj transparentno i Asociacia RDS kerela zori te notirinel sa o situacie thaj te konstatirinel lačhe jali bilačhe politikane aktia an i RM konekcijaja thaj o Roma an i Makedonia.
Akana sig grupa dizutne organiziringje khedipa sar nota protesto mujal finansisko suporto tari i them, e gazetake so si konektirime e teroristikane organizacijaja taro Fetula Gjulen (FETO). Ko jekh e Makedoniakoro Govermento akceptiringja deiba love bašo 11 gazete an o 2018 berš, konektiribaja thaj e gazetake "Zaman Makedonia" so si direktno konektirimi e FETO-a.
Maškar o aver piro than odothe lelja sar notacia taro suporto thaj o presidento taro OPER -Neždet Musafa. Pendžaribaja o bekgraundi thaj profilo taro Mustafa del pe jekh pućiba:
So si o targeti taro Mustafa te del asavko suporto akale akteske: O atvorto ziher ka ovel:
„Pa taro sa vakti man si man lačhi korelacia e aktielno Turkiakere legaripaja"
Džanlipaja o faktia o DSR šaj te vakerel majpakjavutne kaj o Neždet Mustafa na kerel nikana akti -potezo , te na sine le personalno intereso!
Savo si odova "interes" taro Mustafa so si odokhare paše e Trukiakere jekhinaja? O antvorto si ziher akava: " I organizacia BAROM - Balkansko Romani Unia kote ov si presidento , thaj si le but kolaboracia akale themaja, kote ko majbaro kotor del finansie bašo aktiviteto taro BAROM. Prekal o BAROM ov majpakjavutne thaj pire personalno privat biznisoa thaj agjaar prekal odoja forma kerel "garantirime paše amalikane konekcie"
Akate na turbul but saste komentaria thaj aniba konkluzie.
Numa palem ov sar kotor taro Roma thaj i situacia akana sar so si ki Šutka em majbaro kotor romane politikakere protagonistia o Neždet Mustafa da na iklilo ni jekh dekretoa jali stavi an i konekcia taro akana sig kerde incidentia
Asavko profilo taro političari šaj salde an i odoja forma te kerel aktiviteto. Sa dži kote si le intereso jali benefiti ka moldinel tumen dži ko agor, a kana ka agorkerel o "mangipa" , na džanena pe!
Odova leskoro profiliriba taro aktiviteto saste 99% si pendžardo ko Roma tari Makedonia. Si le partia, numa nane le standardno membria, simpatizeria , numa sako drom arakhela "rupa" te filtririnel pe ko themakoro legaripa! Dži kana asavko sistemo ka kerel le sukcesiale, e odova nadžanel pe!
