Palo incidenti so sine ko rakjakere saatia an o palokurko, ko than te tromarel pe i buti thaj o tenzie o FB vakerdo "eksplodiringja
O komentaria taro obično Roma haven pe sar bari sekiracia thaj o fakti kaj sine telal o stres, sebepi o but info kaj an i Šutka isi dar taro kidnapiriba e čhaven . Odova šaj havel pe sebepi so si dada, em daja em odova si normalno.
Numa čudinel o fakti kote baš odoja rakj kana ulo akava incidenti taro jekh drom o anglutne "kašuke" em seir" intelektualcia so tergjon salde palal o tastature - te oven sar majgogjaver a ko anglutne divesa kana o Roma ko FB hulaven sine info baši dar taro kidnapiriba e čhaven , odola "seir" intelektualcia na hramosargje ni jekh interpukcisko nota jali bukva.
Sa odova dikhen sine ironijaja bizo te mukhen pe ko komentaria , apel, jali stav , numa trainen sine em rupinen sine akala forme FB statusia gindibaja " akala nagogjaver Roma palem keren peske nesave filmia an o šero"
Numa i tenzia em i dar sine majodorig maškar o Roma ki Šutka, kote počmingje em o mediumia (iskreno samo o romane mediumia) te informirinen akale momenteske maškar o Roma. Ko odova konteksti kergja buti em e dizjakoro šerutno ki komuna o Kurto Duduš em nekobor saatia angleder te ovel akava incidenti, akhargja dikhiba -sostanok e Romencar an i komuna Sine akharde thaj o komandiri tari PS Butel.
Numa bibahtake nekobor saatia palo odova sine akava incidenti. E tegani "uštile" o bare romane heroia o seir intelektualcia thaj sar te udžargje te keren invazia taro komentaria em devalvacia sa e personenge kosem si ola došale akale incidenteske. Majnglal phravde kergje linči upral o romane mediumia soske na dengje ekspresno info so ulo ki Šutka, thaj devalvirinen sine ko sako momenti olengiri profesia trujal o fakti sine kaj sa odova incidenti si saste - konfuzia, si li jali na odola kidnaperia.
A odola romane mediumia sine avgo so dengje informacia kaj o jeria si ki dar bašo o kidnapiriba . A o "seir intelektualcia na hramosargje ni jekh lafi. A ko vakti kana ulo o incidenti ola sine "šerutne promotoria em analitičaria" Jali aver vakerde palo mariba ule ola Generalia.
Dujto ola akhargje aso olende o majdošalo vash akaja situacia odova e dizjakoro šerutno demek na sine ažurno.
Em sa odova an i jekh kupa "lociringje" ko si došale. Tari rig dikhinde agjaar seirdžisko em dujmujale. Savorende arakhle greške, salde ola si o čačutne "konsolidatoria"!
Em odoleske asavke formaja "biame lešinarstvo" akala amare intelektualcia avilem ko akava statusi.
Sar egzatno egzampli si j ko jekh em o aktuelno deputati an o Parlamento taro PCER o Samka Ibraimovski so saste vakti anglutne nikote na "dikhlja pe thaj šungja pe akale probelemske" ki Šutka , palo incidento odma uštilo ko FB em komentiringja " Mle Romalen me sium tumencar"
Bizo komentari numa konkluzijaja -"Kobor baro dujmujalipa"
