Sebepi o proekti so chidingja angleder duj berša anavea "Te kera kher barabutne" , kher ka resen paše 122 romane familie so si ikavde taro nalegalno mahale. Dži akana ki Orlovsko mahala thaj Jabučko riti o nevekerde objektia e raselime romenge kher lele 27 familie a i kimahala Mislodžin, Kamendin thaj ko Zemun polje o tamikeriba si ko momenti.
"Te kera kher barabutne" si proekti so si majodorig džajbaja sukcesialo e dizjake Beograd thaj i EU sp implementirinel o Ofisi UN e proektono bukjaja taro UNOPS.
Prekal o lafia tari Irena Vujovič , sekretarka dizjakoro šerutno , akale proekteske i EU hulavgja 3,6 milionia eura, bizi finansisko arka e dizjake odova nane te realizirinel pe sine. Oj notirinen kaj akale proektea akana ka arkhen piro kher 122 romane familie prekal 68 socialno apartmania, a renovirime si 11 khera thaj kinde si 43 gaveskere khera. I Vujovič dopherel kaja e dizjakoro legaripa čhinavgja o proekti harica , kana keren sine blokada o anglutno dizjakoro legaripa. O Roma so dživdinen sine telal i phurt kaj i len Sava akana si len šajdipa te khuven ko khera. Oj notirinel kaj o Beograd kerel sa te šaj legarel pe majbari sasma e Romenge taro Beograd.
