An i romani čhib i anavjori "Rom" , notirinel muršani anavjori, notirinel prandinakiri formacia, ajli anav jekhe entiteteske. I džianavjori "Romani" si taro džuvljano jeri, a i džianavjori "Romano" si muršano jeripaja. Etimološko darhinalipa - koreno akale lafeske hulavel pe e anavencar taro indisko entiteti Lom thaj Dom, thaj reflektirinel i sanskrit lafi " domba" so si sar translacia "manuš tari majteluni kasta so dživdinel taro giljajbe thaj bašaibe" jali manuš so si segregirimi thaj phanli populacia.
Nesave grupe istemalkeren o termini" Roma" sar anav bašo jekh sasto entiteti, numa na savorenge: akava termini panda kerel maripa mujal tradicionalno čhivde anavjora. Odova si intenzivirime majbut palo dujto lumiakoro maripa thaj o genocid upral o Rom,a kerdo rigatar tari nacistikani Germania thaj olakere partneria.
Ki konekcia e neve politikane situaciake, sako aver anav trujal " Rom" esapinel pe sar rasistikano. Pučena pe si li o lafi "Cigan" čače bilačho lafi_
So si o lafi " Cigan"?
O lafi " Cigan" ko diferentno forme istemalkeren le o naRoma ko majbaro kotor tari Europa. Ko slovesnko čhibja akava anav istemmalkerel pe bizo aver variacia, dži kote maškar o germansko entiteti , o Dancia vakeren " sigojnere", o Germancia " cigojner", a thaj aver so si tari akaja grupacia čhibja. I romansko grupa čhibja o Špancia anvakeren len sar "hitano", o francuzia "žitans, siganes jali bohemian" (soske baro numero olendar an i Francia ale tari Čehia), o Italiancia " cingari" o Portugalcia " sigano" thaj aver.
Čačutno darhinalipa - koreni e lafeske Cigan avel taruo puranogrciakoro lafi „atsinganoi„ jali “athinganoi” so bukvalno ilustracia e lafeske " namangav te astarav le" thaj si odole grupake manuša so si len aver teno, mentaliteti thaj aver. I forma e lafeske si notiribe entiteti so su majteluno nivelo, rango, kasta. Manuša kasaja nane lačhe te oven tuke an o pašipa, konekcia thaj aver. Namangen te satarel len so si melale, manuša kaste nanae man pativ - verba. Konkluzia sikaj o lafi "cigan" si dendo averendar, anane an o amaro romano vokabulari thaj nane le an i romani čhib. Odolea avel pe dži i konkluzia kote odova lafi si teleperavde formulaciaja thaj konotacia., premal desavi grupa manuša - entiteti so si aver čhane javerendar. Odoleske pučaja men si li o lafi " cigan" bilačho lafi.
Nadžanlipaja i čačutni funda akale lafeske , but džene so vakerena la nadžanen da kote odolea teleperaven nekas jali saste entitete. Numa dikhibaja i forma vakerdi taro aver naRoma mujal o Roma, lokheste avel pe dži o pharipa e lafeske " Cigan", athinganoi” so bukvalno ilustracia e lafeske " NAMANGAVA TE ASTARAV LE"
