I Romania an o 2014 berš si registririmi sar majbare niveloa čhave so arakhen pe ko riziko taro čorolipa jali socialno inkluzia, prekal o raporto taro Eurostat, statistikano ofiso tari EU. 51 % taro čhave so si ko baripa dži ko 18 berš so nane len konekcia an i edukacia, sastipaskiri protektiva, kherutnipa thaj hajbe. i Romania lelja o avgo than tari Bugaria.

I konvencia taro UN dela garancie kaj o čhave trubul te ovel olen akava komoditeti. Numa an i EU pobut taro 26 milionia čhave dživdinen ko čorolipa thaj socialno inkluzia. Ko akava numero majbut si čhave taro Romania thaj Bugaria 45,2%, Ungaria 41,4% thaj Grcia 36,7%. Majhari procentia si an i Švedia 16,7%, Finska 15,6% thaj Danska 14,5%

Dikhipaja jekh taro štar čhave taro europakoro bloko si an o riziko čorolipaja, e Europakoro parlamenti lelja i rezolucia kote olakere thema membria te keren o čhave te oven prioritetia an o politike te bajrarel pe o efektiviteti, kvota thaj učipa e socialno teloikeripaske e čhavenge a ko jekh e džuvlenge so arakhen čhaven. Prevencia si te ikeren e čhaven an o edukaciakoro proceso, thaj te den pe olenge univerzalno socialno benefitia thaj te kerel pe čhinavipa e čorolipaske ko čhave.

fShare

Tweet