Baši majlačhi koordinacia thaj aktiviteto an i konekcia e butikeribaske tari Internacionalno Romani Unia -IRU thaj majlačhi konekcia e IRU membroncar tari Rusiakiri federacia , avdive oficialno si phravdo o ofiso an i Moskva.
Akava baro thaj importantno akti bašo IRU notiringje le o Presidento o Zoran Dimov thaj o IRU membro Anatolij Butakov.
Sar so informiringje o duj džene akava si panda jekh progresivno akti ko butikeripa taro IRU sakote an i lumia.
O IRU Ofiso an i Moskva kaskoro šefo si notirime o Anatolij Butakov ka ovel ole obligacia trujal e membroncar tari Rusia te kerel buti thaj koordinacia e aver themencar taro odova regiono sar so si i Gruzia, Azerbejdžan, Kazahstan, Ermenia, Uszbekistan, Turkmenistan, Kirgikstan, Tadžikistan thaj aver nekanutne thema an o Sovet Union.
Ki akaja forma kerel pe majzorale o IRU te ovel le delegatora taro sasto regionia an i lumia thaj an o majučo nivelo faisali e prioritetno pučimata kana si lafi baši Romani nacia sakote.
