Sebepi kerdo masakri an i Nica ko 14 juli ko vakti taro utsavalkeriba o Nacionalno dive" Periba tari Bastilia", thaj našavde dživdipa taro nadošale manuša, i Internacionalno Romani Unia - IRU bičhavgja mesažo dži ki Ambasadorka e Franciake an i Makedonia i rajona Lorens Oer, kote tergjol:
"Tumari Ekselencio,
Bibahtalipaja reslem o informacie taro akaba but bilačho akti taro teroro an i Nica. Hor siem bibahtale taro viktimia, thaj i forma sar si lende olengere dživdipa ko akti taro radikalizmo thaj namangipa...
I Internacionalno Romani Unia - IRU sikavel bibahtalipa thaj gajreti dži ki franciakiri nacia bašo atako an i Nica. O atako upral o manuša so utsavalkeren o jekhipa thaj o tromalipa sebepi Periba tari Bastilia, sar francusko, europakiri thaj moderno moldipa si atako upral o moderno europakoro manuš avdive
Pakjaja kote o manuša so kergje akava terori ka oven krisim, a i nacia ka ovel unimi thaj nane te ovel okova so sine lenge motivo e manušenge so kergje o atako - hulaviba e sasoitnipaske.
Ko jekh akharaja ki barabutni thaj koordinirimi europakiri akcia te šaj ma te mukhen pe asavke forme atakia upral o siguriteto taro europakere dizutne thaj o aver.
Amare gindo si tumencar, familiencar taro viktimia thaj o ratvarde thaj saste franciakere naciaja.
Respektea
Internacionalno Romani Unia - IRU
Prezidento
Zoran Dimov
