O nakhlo vikendi an i sportsko hala Olten an o Basel ulo o majlačho momenti an i profi kariera e 18 beršengoro Uli Birhler.
Ki šerutno meči e rakjake o lokalno heroi Rajnhard Haler iklilo ko meči bašo titula europakoro šampioni ko kik bokseri o 18 beršengoro Rom tari Švajcaria o Uli Brihler. O starti e boks mečeske sine siguritetno meči taro Haler e terne Birhlerea. O starti sine tromalo bizo lende seriozno akcie.
Ko majodorigutno meči pohari o terno Romano kik bokseri Birhler lela sine i kontrola e mečeske dži ko agor thaj reslja buteder poenia kote kalr sine kaj ka resel o meči viktoriaja o Birhler.
Tegani o treneri e džitegani aktuelno europakoro šampioniHaler kergja te del o meči soske sine fakti kaj o terno 18 beršengoro Uli Birhler ka legarel i viktoria thaj ka lel o šampionsko pehari ko kik boksi.
O Birhler akava sine leske 12 meči thaj 12 viktoria bizo našavdo meči dži akana ki oleskiri profi kariera.
O korkoro Birhler notiringja kaj si but baztalo akale tutulaja thaj panda pobahtalo so odova reslja sar Rom thaj ko vakti tari viktoribaskiri ceremonia ov upri peste sine le o romano flago.
