O roma taro sporti majbut praktikujnena fudbali jali boksi, soske akala duj sportia so an o lumiakere forme si sar sporti čorolenge, esapinena nesave manuša so keren butia an o analize asavke fenomenenge.

O fudbali jali o boksi si sportia so tradicionalno beršencar napalal sportujnena o Roma an i Makedonia. Taro kerde ankete an o Kumanovo, Štip, Skopje thaj Prilep, kote ko 90% isi Roma sportistia ola majbut sportujnena jali fudbali jali boksi.

Esapinel pe kote o Roma majbut sortujnen fudabl jali boks soske so an o lumiakere forme si sar sporti čorolenge.

-Odola sportia si kote na trubul but baro talenti, predispozicie thaj šartia te šaj ove sukcesialo. O Roma si čoroli populacia, nane len šartia te trenirinen sar egzamplo tenis, pa majbut alusarena fudbali jali boks. Amende o Roma trenirinen majbut fudbali ko lokalno romane klubia thaj but phareste ikljon upreder taro manglo nivelo trujal so isi but olendar kvalitetno fudbaleria.

Aso o ankete isi pharipa ko soprtistia Roma te keren progresi thaj ko europakoro nivelo sar so šaj aver sportistia an i Makedonia.

-E Romenge an i Makedonia nane len apsolutno desave šanse te keren progresi ko eurpoakoro nivelo, trujal so šaj salde o bokseria , numa olemge da si but pharo. Majanglal soske raritetno si okola so ka astaren te menadžirinen Rome, a dujto soske nane but sukcesiale Makedoncia an i Europa thaj an i lumia.

O sportsko turniria šaj arakhen pe thaj talentia.

Kaj i situacia e romane sportistencar thaj o romane sportsko klubia nane but lačhi zojrakeren thaj o sa dži akanutne analize kote aso o ankete te šaj arakhen pe majbaro numero romane sportsko talentia jekhutni šansa si organiziriba turniria an o lokalno, regionalno jali themakoro nivelo, te šaj akala talentia ikljon taro anonimnost.

Isi but čhave Roma so khelen thaj košarka thaj rakometi, numa salde ko droma. O Romane sportsko klubia pohari merena, soske ni jekh na mangel te ovel sponzori e Romenge. Te kergje pe turniria maškar o terne šaj arakhen pe buteder sportistia na salde ko fudbali, vakeren o ekspertia akale pučibaske.

fShare

Tweet