O Roma deceniencar napalal trujal aver afinitetia sikavena sine piro baro talenti thaj an o spsorti.

Ko nakhle decenie sar fundamento taro bare sportsko asia thaj an o internacionalno nivelo   sine but em bokseria Roma, kote ko dresi taro repreyentacia resle bare sukcesia. Akava legarel pe ko nekanutne thaj akanasigvakteskere šampionia ko akava sporti an i teritoria tari ex Jugoslavija.

Ko nekanutne 70-to thaj 80-to berša taro nakhlo šelberšipa i popurani generacia so mangen sine thaj pendžarena sine boksersko anava sar so si o Fazlija Šaćirović, Džafer Ališanović taro Prokuplje - Srbia, Samir Limanovski, Redžep redžepovski thaj Ali Muhamed Ali taro Kumanovo -  Makedonia.  

Tari majnevi generacia boksersko šampionia panda si aktuelno o anav taro Veli Mumin taro Skopje.

Sa o upreanavkerde anava sine asia thaj čačutne šampionia sar an i them agjaar thaj ko internacionalno nivelo. Sine len lendo than ko Balkansko, Europakere, Lumiakere šampionia thaj ko Olimpisko khelina.

O džafer Ališanović taro Prokuplje sine buteder dromengoro šampioni an i Jugoslavia an i muva kategoria.

O Fazlija Šaćirović taro Prokuplje sine buteder drom šampioni an i Jugoslavija , ov ko 1978 berš ko lumiakoro šampionati an o Beograd ulo vicešampioni an i lumia ki bantam kategoria.

O samir Limanovski taro Kumanovo ko 1975 berš ko Europakoro šampionati an o Katovice, Polska reslja bronzeno medali.

Baro sukceso an o 1984 berš reslja i boksrsko čeren taro Kumanovo o Redžep Redžeposvki kote ko nacionalno dresi tari Jugoslavia an o Olimpisko khelina ko Los Nageles reslja o rupuno - silver medalja . Sukcesia sar an o balkansko agjaar thaj an o europakoro nivelo sine thaj e kumanovco Rom o Ali Muhamed Ali.

Sar jekh taro aogorutne bare anava so reslja medalje an o europakere šampionatia si o skopjanco Veli Mumin kote ko 2006 berš relja bronzeno medalja ko Europakoro šampionati so ikergja pe ko Plovdiv, Bugaria. Ki konkurencia an o themakere šampionatia ov reslja dži akana 22 titule! Duj droma sine thaj Balkansko šampioni, a trin droma reslja thaj o pehari taro internacionalno boksersko turniri " Galbeno gong". Ov si havljardo duj droma thaj sar sportisti e beršeske an i Makedonia.

fShare

Tweet