O Ismail Lumanovski si biamo ko 1984 berš si le lumiakiri kariera pali peste, thaj ov si jekh taro majšukare muzičaria an i pli generacia an i Makedonia, so dživdinel thaj kerel buti an o Njujork. Isi le zorali mzikakiri strast thaj dinamično virtuoznost, so si jekh taro oleskere karakteristike sar artisto. Ov kergja dži akana bari kariera sar silisti thaj kamerno muzičari thaj an o klasično , thaj an o agjaar anavkerdo Kros Over repertoari.

Oleskiri sinergia e talentea thaj bukjaja te šaj te kerel fascinanto kombinacie narodno muzikaja an i disciplina klasično muzikaja. O Lumanovski bašalel an o USA, Europa, Paše Purab, Korea thaj Kina thaj ple muziciribaja resel pozitivno kritike.

Ov džanel e publikaja te kerel buti an i sasti lumia, thaj dži akana bašalgja ko bare koncertno hale sar so si " Rathaus" an i Viena, " Karnet Hol" an o Njujork, "Sal Plejel" an o Pariz, Emirati palata an o Abu Dabi, Kenedi centar an o Vašongton, Berkli centar an o Boston thaj aver.

Taro oleskre dži akanutne Koncertia e klarineteja thaj orkestri taro Eliot Karter, barabutne e " New Juliard" o ansambli "Luzern academy festival" thaj telal o dirigensko linia taro avangardno kompozitori Pjer Bulez. Bašo akava muziciriba o "New York Times"  ka hramosarel: "O solisti - o brilijantno terno klarinetisti Ismail Lumanovski barabutno diferentno instrumenteno grupencar taro baro ansambli..." Palo agor e muzikakere školake "Interlohen" an o Mičigen - USA (kote isi le debi an o 2002 berš leribaja o Koncerti bašo klarineti thaj orkestar taro Veber), o Lumanovski diplomiringja thaj magistriringja an i Muzikakiri škola " Džulijard" an o Njujork kote sine leske trin stipendie ko vakti taro oleskoro studiriba butikeripaja e Čarls Najdih thaj Ajako Ošima. Reslja but phursakia an i Makedonia, Bugaria, USA sar so 23,24 thaj 25-to festivali bašo majšukar klarinetisti an i Makedonia, duj phursakia taro "Fajn Arts" an i akademia " Interlohen". Biamo si an i Bitola a klarineti startujngja te sikljol ko 8 berša an i klasa taro Pande tatarčevski. But oleskere muziciriba renomirime orkestarencar sar so si " Kamerfilharmoni" tari Germania, i filharmonia taro Katar, o Ansambli Berkli, o ansambl "New Juliard", Lumiakoro ternengoro simfonisko orketsari, Makedoniakiri filharmonia, o Festivalsko orketsari taro Lucern, jali o muzičari sar so si o Marsel Kalife thaj o Al Di Meola. Fundavutno si e lumiakere pendžarde orkestareske "New York Gipsy All Stars " kote kerel turnee an i USA, Europa, Australia thaj Azia, kaskoro repeortoari si miksi taro stilia tari balknasko folk muzika dži ki paščimali klasično muzika. O klarineti taro Lumanovski šaj te šunel pe ko buteder ikalde thaj kerde muzikakere albumia.

fShare

Tweet