Nekobor notirime individualcia so si len Romano jeripa sar so džanaja si o Elvis Prisli, Bil Klinton, Majkl Kejn thaj o anglikane romaničelia tari Škotska, Britania thaj Velško Kale, Germansko Sintia thaj o Baskisko Roma.
I Romani muzika khelgja importatno rolja an i Centralno thaj Purabali Europa sar so si i Hrvatska, Bosna thaj Hercegovina, Srbia, Crna Gora, Makedonia, Albania, Ungaria, Slovenia thaj Romania, si o stili thaj gilaviba taro Romane muzičaria so sine len presia upral pendžarutne eiropakere klasično kompozitoria sar so si o Frnac List thaj Johanes Brams. Majbut o muzikantia so bašaven ko Romane biava si salde taro Romano jeripa.
Nekana pakajala pe sine kaj o Roma, jali aver Romane grupe (sar so si o Balkansko egipkjania) aven taro Egipet a ki jekh storia vakerel pe kote ola sine paldime soske garavgje i enevebiande Isuse.
