I muzikakiri kultura thaj zanati akale naciake si majpurane vaktendar thaj si karakterizacia sar nacia so si len hoš muzikake. O bašavipa si talenti e Romenge so na trubul te dikhel pe sar zanato. Odova si sasto talenti bizi diferenca savi profesia isi olen. O Roma kote te dživdinen odothe isi gili, muzika, kheliba.
Sar tradicionalno instrumentia ko Roma si diferentno forme taro zurle, dajre, timpanke, darabuke, instrumentia phudibaske thaj gudačko.
But droma tarop romane mahale šunel pe muzik kote bašaven thaj instrumentia. Ko gilja majbut giljavel pe, kamipaske, lačhipaske, meribaske thaj aver.
O Roma taro Montenegro kote i Turkia sine 4 vekia sine jekhutni forma bašavibaske ko dizjak thaj barvalengere parti. Odoja kultura sine napendžardi e kherutne naciake so ačhile salde ki gusla thaj specifično giljajbe thaj koreografia khelibaske.
O ekspertia vakeren kote i romani muzika sine inspiracia taro orientali numa thaj ko flamengo thaj jazz muzika thaj pobut pendžarutne kompozitoria so inspiracia sine i tradicionalno romani muzika: List, Bizet, Verdi, Rahmanjinov.
Bari inspiracia e lumiake ki romani muzika sine ekstra e Bregovičeskiri inspriacia e motivencar tari romani muzika i fenomenalno intepretacia taro Šaban Bajramović, Esma Redžepova, thaj Liljana Petrović. Ki lumiakiri scena lungo vakti si o popularno Gypsy Kings.
Ko Roma si akcentirimi i biami intelektualno virtuoznost te ovel len psihičko zuralipa te dikhen aver manušen prekal opservacia.
O Roma majbut hošinen ko than te gndinenb. O Roma nane socialno sekundarno kategoria numa motivo kote trujal i dsikriminacia si aver naciendar. O pendžardo filmsko režiseri Emir Kusturica, vakergja kaj o Roma si nacia so isi len bari imaginacia thaj but droma olatar dživdinena. Odoleske ola o dživdipa dikhen agjaar sar so si, dživdinen avdive avdiveske. o gheonizmo thaj i pakjiv aver klasično percepcia e Romenge.
Odothar i kontinuirano khelintari harizma thaj iramo naboj mujal o Roma so hošinen ko dživdipa thaj arti.
