Biš thaj trin politikane partie so si an i koalicia legardi taro Socialdemokratsko unia e Makedoniake erati ko ofiso taro SDSM čhivgje signatura baši koalicia ko lokalno alusariba.

Maškar akala politikane partie isi thaj 4 Romane partie, odola si : PCER Samka Ibraimovski, OPER - Neždet Mustafa, Šaban Saliu taro DSR thaj Demokratikani Partija e Romenge DPR- Milazim Sakipov.

Anglal o lideria e partienge so dengje signatura baši koalicia, o prezidenti taro SDSM Zoran Zaev vakerga „ i koalicija kova so persi berš lelja than an o  Parlamentarna alusariba, akana si masjbuvli panda nekobor partiencar, so angje faisali te den suportoe trampaske an o dživdipa an i Makedonia"

Akana ko sig vakti an o socialno netvorko prekal FB profilo anavkerdo sar Snežana Mirković bičhavela pučiba dži ko Presidento e Komunakere alusaribaskere komisiake an o Šuto Orizari o rajo Sali Fari kote pučela soske "sine paldime thaj phanlo tari germaniakiri policia"? 

Jekh FB profilo anavkerdo sar Snežana Mirković pučela Fari Sali si li čačipa ko sa akava sebepi desave falsikujme dokumentia baši akomodacia an i Germania so ka priznajnel desave čhave.

Ko FB profilo isi fotoso tsrao logo taro SDSM thaj kerel pe li buti bašo falc kreirimo profilo taro oponentiataro Fari Sali jali si aver motivo ka sikavel o vakti.