I Soraja Viola Elena Post (biami 15 oktomvri 1956 berš) si švedsko političari tari Partia bašo feministikani inicijativa.

O dat tari Post sine biamo an i Germania sar Jaudia, a olkairi daj sine Romani taro norveško thaj švedsko dromarutne - Travells.

I Post kerel sine aktivitetia an o pučipa e nacionalno minjoritetenge an o reoni tari Vestra Jetaland an i Komisia baši jurisdikcia thaj jekhipa. a ko jekh kergja buti ko Romane pučiba.

Ko fevruari 2014 berš i Post sine alusardi sar majšukar kandidati tari Partia ko alusariba 2014 an i Švedska sar membro - delegato an o Europakoro Parlamento Ko alusariba ko 25 maj 2014 berš i Partia bašo Feministikani iniciativa lelja jekh deputatengoro than an o Europakoro Parlamenti. Ko 7.to juni 2014 berš geli ki S-D grupa an o Europakoro Parlamenti.

I Post si avgo alusardo membro e Partiakoro ko Europakoro parlamenti , soske i ex eurodeputati nati Liberalno nacionalno partia Maria Robsam an o 2006 berš tari odoja partia geli ki partia tari Post, thaj sine sar delegato an o Europarlamento sa dži ko 2009 berš, numa esapinel pe kaj i Soraja Post si jekhto eurodeputati tari odoja Partoa so direktnbo si alusardi, thaj oficialno jekhto romano deputati an i EP. Inače ko jekh thaj o Damjan Dragiči tari Romania si jekhutne eurodeputatia so si Roma.

fShare

Tweet