Palo buteder berša čučo than an i ordinacia tari ginekologia an i komuna Šuto Orizari, alo vakti kote so adaja ilustracia si trampimi thaj ko adava than si andi doktorka Vjolce Mbira.
Vjolce Mbira si jek a jek matično ginekologo e Romane dzuvlenge tari Komuna Šuto Orizari, kova so šaj del uputia thaj javera medicinakere medikamentia phanle ginekologijaja.
Tari dzuvlani inicijativa taro Šuto Orizari vakerena kaj ola si pobuter avrik ko teren thaj dikena dzi akana sikavdo interes taro Romane dzuvla thaj o dizutne si čale taro dikhibe e doktorkakoro, thaj pakjana kaj akava problemi si phanlo , sukcesivno faisalkeribaja.
„O numero dzi akana bašo tikno periodi , taro avipa e doktorkake vizitiringe maj hari 100 pacientia thaj kerge ple ginekološko kontrole“, vakerela amenge tari dzuvlani inicijativa ko Šuto Orizari , Salija Bekir Halim.
O Romane pacientia jali Romane dzuvla haljovena pe e doktorkaja , sebepi so lencar khuvela andre medicinakiri phen kova so dela prevod ko gadzikano, numa thaj i doktorka dzanela gadzikane thaj havela gađikane, havlarge amenge tari Džuvlani Inicijativa taro Šuto Orizari.
Andre ki ordinacija tari ginekologija si opremimi neve aparatencar so del šajdipe o Romane dzuvla te dikhen pe ko saste lačhe šartia.
Youtube: https://www.youtube.com/watch?time_continue=95&v=B8uWbFzk6Us
