Ko 5 fevruari akava berš an i Unevierzitetsko libroteka "Sv Kliment Ohridski" an i Bitola ikergja pe promocia e lileske " O Gjuptino Otele" taro Blagoj N.Nikolov, bukjarno an i odoja nacionalno institucia kote si kerdi thaj i promocia akale lileske.
Akana na khuvava an o opuso e autoreske akale lileske thaj džiakanutni buti, kote trujal so hramosarelakerle thaj režia teatareske thaj aver. Odova sikavel kaj si pendžardo bitolsko intelektualco thaj kulturno bukjarno.
Te šaj khuvel pe an o "sensi" telal o anav e lileske maškar o aver akaharde misafiria sine thaj membria aktersko ekipake "Solzi i smea" tari Bitola. O fidbek sine klar. Lačhe karikirinen i "gjupsko čhib" te šaj anen i sasti atmosfera . Numa te dža an o importantno momenti.
Odova so ka vakerel o Azdrian Memedov- Jan, Rom, intelektualci, aktivisti, akava si klasično kotor taro "Solzi i smea" (Asva thaj asajbe) numa salde e butipeske. Nekaske asva, nekaske asajbe Sa dži kote na haven kaj i satira si kerdi te anel but pučiba ko sasoitnipa, a na premal nesave jekhina so khanik na kerel pe.
I resarin si te teleperaven nekas te šaj asavkeren e butipa?
So ka kera te počmingje o Roma te len ko majtapi tumende da? Amen siem Roma. Na siam Gjupcia, Cigania, Ciganištia, Čergaria...
Šaj na siem amen but educirime sar ola, numa trubl amenge respekti. Amen dživdinaja an i jekh them. Trubul te keren izvinuvanje - jertipa. Čhiven agor tumare "satirake" so si mujal o Roma.
Agjaar si Jan, lačhe vakerdo!
Numa baši promocia trubul love. Koter love asavke promocienge asavke kotorenge. Direktno jali na te šaj te lel pe ko majtapi jekh nacia sar so si o Gjupci, o love si dende tari them (lokalno ofisia, Ministeriumi baši kultura jali aver). Si li direktno jali indirektno den pe love te asa upral aver dumo
Kana e Gjupcenge valjani love baši kultura. tradicia jali aver forma tari identifikacia love tari them, odoja them arakhel li moduli te del len baši olengiri identifikacia?
O džovapi si majbut drom: Limitirimo budžeto. Sastipa dži berše Gjupci!
But bilačhe, but bilačhe. Akana trubul hari te džangjavoven taro sojbe taro Gjupcia. Aj šukar sabaj sa e Romane politikane partienge, liderenge, manuša so keren maripa manušengere niamenge, NGO sektori, intelektualcia, aktivistia thaj aver gjupsko šmekeria.
