O hristiansko Roma an i sasti lumia keren o dive e Bibiakoro sar svetica so arakhel e čhaven O barodive kerel pe agjaar štar kurke anglal o Krečuni - Veligdani. Ki sasti lumia o Hristiansko Roma keren akava baro dive e Bibiake so arakhela e čhaven. Kerel pe ko dive kana o Adam kergja o bezeh, thaj lelja i phabaj taro kašt so sikavel sine o bilačhipa thaj o šukaripa.

Nesave romane familie o dive Bibia keren le ko Paršatuj ko Krečino - Veligdani kana o hristiania si len baro posti thaj o hape keren  pajnea , bizo mas thaj khil. O Roma ko dive e Bibiakoro džana an i khangiri thaj odothar khere ki kolona legaripaja o maro , tharen momolja vakeribaja: " E Bibiakere sastipaske".

Sa o Roma legaren Maro thaj posno habe kote den i misafirenge telal o kašt, majbut tari ambrol, jali akhor. Telal o kašt phagel pe o maro, thaj dikhel pe ko ka ovel e averberšeskoro kherutno so ka kerel o dive.

Palo odova o Roma tharen momoli kheden pe trujal o kašt thaj barabutne savore dena molitve kote majbut vakeren"De amen Bibie sastipe, de amen fusuj", a šunena pe thaj molitve sar so si: " Bibio de hari tiro sastipe amare čhavenge"

Ko ikone i Bibia si sikavdi sar romani svetica kote trujal olate isi but tikne čhave thaj javer Romane džuvlja uravde ko karkateristično šea, thaj bare čenja. An i aver verzia i svetica i Bibia tergjol telal o kašt phravde vastencar kote so late aven but čhave.

Ko deminutiv e Bibiake bvakerel pe thaj - Bibiori.

fShare

Tweet