I nomadsko grupa taro manuša anavkerde sar Yenisch si trinto majbari europakiri nomadsko grupa dizutne , palo o Roma thaj o Dromarutne. Olengoro darhinalipa datirinel taro vakti an i reforma thaj o maripa vash o religie , kana o katoličko familie lele o sistemo taro nomadsko stili dživdipa.

Ola ple khera mukhle panda kana na respektiringje o kontraktia taro 1648 berš an i Germania ko regiono tari Raina, ko reonia taro Švajcaria, Austria, Holandia, Francia, Belgia thaj Špania, kote odothe si majpendžarde anavea - mercheros, dži kote i populacia telel anav Romani (roma, kale, romanichal thaj aver) si enticeti so aven tari India, o Yenish olengoro avipa si tari Germania, thaj an olengoro idiomi si pendžarde sar nomadsko pleme anavea " Parne Roma" an i germaniakiri čhib sar weiße zigeuner, a ki franciakiri čhib sar tziganes blancs.

Ko 1900 berš an i Švajcaria startujngja baro paldiba thaj migracia odolea so lena lendar sine e tikne biande čhaven, dena len sine ko domia , sa dži ko 1975 berš kote dena len sine e čhaven ko švajcarsko familie. . Ko 1998 berš kana parafiringja pe o Kontrakti vaš o protektiva e minjoritetenge kerdi si klima te šaj te del pe digniteti akale nomadsko grupake an i švajcaria sar nacionalno minjoriteti.

fShare

Tweet