Generalno, i ksenofobija forsiringja e Romen te ovel lenge maj pharo te ačhoven ko jek than thaj te bešen odote, jali te ovel len životo odothe. Kana o Roma ale an i Zapadno Europa ko 15to veko, o lokalno dizutne sine len gndin kaj ola si delo taro Otomansko invazija (soske sine len temno koža) thaj i Germansko diz Frajburg deklariringja e Romen sar kriminalcija, thaj na muklja len te kinen than jali te keren buti, e Romen na sine len aver opcija, thaj mora sine te dzan majdur taro odova than.
Sprotivno taro stereotipi, i migracija nae prisutno ko avdisutno moderno djivdipa.
O komunističko režimija an i Bulgarija thaj o avera Istočno Europosko thema forsiringe e Romen te smirinen pes, čhivge len ko segrerirano getoa. Majbut Roma avdive si sedentarna a na peripatična. Nae točno broj baši celo Evropa, numa verujnela pes kaj majbut Roma živinen ko apartmanija thaj khera. Majbut Roma džana ko javera thema taro ekonomsko motivija thaj taro bari migracija avrijaldan tari Istočno Europa.
