Sebepi 8-to Aprilo o Internacionalno dive e Romengoro organiziribaja bukjarne sesie ko keriba jekhminuteskoro video e siklencar tari FŠ Brakja Ramiz thaj Hamid tari komuna Š.Orizari, startujngja o aktivitetia an i realizacia e 15-to Internacionalno filemskoro festivali "Somnakaeskiri Rota 2017 ".
I filmsko proekcia taro 13 filmia an o akaleberšeskoro repertoari startujnela i proekcia taro filmsko programa an o 10 April an i Kinoteka e R.Makedoniake.
O aktiviteti džala majodorig thaj avdive ko 11 April an i odoja lokacia odolea so ko 19:00 o časo an i Kinoteka e R.Makedoniake ka den pe o plakete thaj diplome bašo majsukcesiale ko utsavalkerdo phanlipa e akale beršeskere editorialeske.
Anglal o utsavalo phanlipa e festivasleke ka oven sikavde duj dokumentarno filmia so si po 15 minutia.
O jekh si lipardo e Thagarutnkae e Romane muzikake i akana muli Esma Redžepova Teodosievska , a o dujto si " Učharin e dživdipaskere storienge" lipardo vvash i diskriminacia e Romenge an i produkcia taro NRC Kumanovo.
Akava berš o festivali finasisko suprotime sine taro Filemskoro fondi an i Makedonia.
