Ko vakti taro jekh kerdo akana sig seminari thaj studia taro internacionalno ekspertia- doktoria pali antropologia an o Roterdam, Holandia ko vakti taro genetsko rodaripa taro DNK kergje rodaripa čače li o Roma avena tari India.
I Dr Dragica Radojković taro Beograd zojrakerena o rodaripa. Akcentirinela kote ki kerdi DNK analiza upral 125 preperutne Roma taro 13 diferentno lokacie so kergje o DNK e Romenge ki europakiri phuv.
Ki studia vakerena kote ko anglutne kerde analize upral 4.500 persone zorjrakerdo si kote o Roma aven tari India angleder 1500 berša.
O than thaj lokacia si o regioni Pendjab utaralo kotor an i India. tegani startujngaj o dromaripa prekal Centralno Azia ko Balkano thaj palo odova ki Centralno Europa.
Pakjala pe kote an i Europa ola resle ko 1100 berš.
I studia notirinela kote o Roma raritetno hemingje pe averencar nomadencar thaj ikergje pli genetsko kodifikacia thaj predispozicie.
Ki kerdi studia tari riog e David Komas profesoroko instituto pali evolutivno biologia an o Universiteto Pompeu Fabra an i Špania vakerela kote o Roma sar raritetno grupa ikergja ple genetsko akcentia.
Link: http://sverigesradio.se/sida/artikel.aspx?programid=2122&artikel=6471842
