O manuša demonstririnen empatia so si astarde ko hulavde kotora thaj bibahtake ola si našutne , faktea kote si milioni našutne tari Siria so ačhona an i Turkia, Liban, Jordan thaj an o Irak. Ko principi i empatia okola so aven majpaše aven thaj an i Paščimali Europa. Kana si o našutne tari Romani populacia tari empatia ovela antipatia. Akala konfliktia lena baro numero našutne. Bisterde emdiumski si diskusie akala našutne so si maškar odola manuša but Roma jali preperutne sar Domari an o zone tari Siria, thaj Ukraina  taro empatia deš mile Domari tari Siria?. Džanen pe o džovapia, phare si sa okova so ulo e romencar ko sa o konfliktia.

Ko avgo duj kukrkesa taro 2016 berš duj tikne romane čhave mule an o Košice - Slovakia. 6 thaj 4 masekongere tikne čhave mule ki segregirimo pašipa. Panda trin romane čhave o nakhlo vikendo an i romani mahala an o gav Lomnička an i Centralno Slovakia. Faktea kaj akala meripa šaj sine te čhinaven pe, o ERRC akharel e Slovakiakere legaripa te len urgentno akcia. O Roma an i Slovakia but droma si čhivde te dživdinmen ko nalačhe, riziko thaj nasaste šartia dživdipaske. Ko 1 thaj 3 januari akaba berš jekh čhavo thabilo thaj mulo, thaj aver mulo šudripastar ko Mašličkovo, romani mahala an i periferia e dizjake Košice. I seria taro tragedie akava vikendi geli majodorig kana panda trin romane čhave ki improvizirimi baraka thabile ki romani mahala Lomnička, havljaren e slovakiakere mediumia.