O Romani Rose si Romano aktivisto kote našavgja 13 paše familia an o Holokausto palo Nacistia so mudargje but e Romen thaj Jaudie , a ko jekh si Prezidento e Centralno Konsiloske taro Germansko Sinti thaj Roma.
O Rise si biame an o Hajdelberg ko 1946 berp. Sa dži ko 1982 berš dživdinel sine odothe sar biznismeno. Palo formiriba e Centralno Konsiloske an o 1982 berš si votime an i pozicia Prezidento tari rig e delegatonge thaj membrora organizacie kote tegani gejnen sine enja. Akana 16 thema thaj regionalno asociacie - od tegani zojrakerena oleskiri pozicia thaj sako štar berša e membroncar tari odoja organizacia. Taro 1991 berš o Rose lel o legaripa e Dokumentaciono thaj Kulturakoro Centari e Germansko Sinti thaj Roma an o Hajdelberg. Ov but berša si pendžardo e Federalno thaj themakere Govermentoja palo oleskoro butikeripa.
Barabutne e prezidentoja taro nacionalno minjoritetia an i Germania o Rose legarel thaj e Minjoritetengoro Konsilo so sine funbdirime an o 9 septembro 2004 berš, odova si Unia ambrela e organizacienge taro štar nacionalno minjoritetia so preperen an i Germaniakiri nacia thaj taro sa vakti sien akate thaj si autohtono odothe: O kher taro Sorbotia, Firezisko Konsilo, Utarali Šlesvig Asociacia e Dansko minjoritetenge thaj o Centralno Konsilo taro Germansko Sinti thaj Roma. barabutne e delegatorencar taro minjoritetia tari USA, Argentina, Japonia, India, Šri Lanka, Francia thaj Holandia o Rose si ko jekh membro an o Komiteto legaripaja taro Internacionalno Hakoja mujal i diskriminacia thaj rasizmo (DPDIR), so si fundirime an o Tokio ko 1998 berš.
But bari motivacia tari buti taro Rose si oleskoro plesutni konekcia e historiaja. 13 membria tari paše familia taro Romani Rose sine mudarde an o konc logoria ko Nacional Socializmo konektiribaja oleskiri babe thaj papia an o Aušvic thaj Ravensburg. Oleskoro dat o Oskar Rose ačhilo dživdo. O dajo taro Romani Rose , Vinčenc Rose ačhilo dživdo an o logor an o Aušvic, o medeicinsko eksperimentia an o Necveler koncentraciono kampi thaj i buti sar robo bašo Dajmler Benz ko telel phuvjakere tunelia an o Nekerlez-Obrigheim an o 1972 Vinlenc Rose fundiringja avgo individualno organizacia taro Germaniakere Sintia, Centralno Komiteto taro Sintia an i West Germania, kote kerel sine buti thaj o 13 beršengoro tikno Romani Rose.
Pobut taro trin dekade taro Juni 1979 berš legarel sine o Civilno Niamia taro Germansko Sinti thaj Roma anglal o jakha taro Germancia thaj i internacionalno auditoriumi ov kerel sine maripa baši olengiri protektiva taro rasizmi thaj diskriminacia an kompenzacia okolenge so ačhile dživde an o Holokausto - ko jekh vakti havljaripaja o baro historikano momenti bašo genocid upreder 500.000 Sinti thaj Roma ko vakti taro Nacional Socializmo so kergje okupacia an i Europa .
Ko masek maj 1995 ki konekcia e membroncar organizacie an o Centralno Konsilo, o Rose resel deklaracia taro Germaniakere Sinti thaj Roma sar nacionalno minjoriteti an i Germania olengere minjoritetengere čhibjake, konektirime olengere targetea te oven inkluzirime an o socialno thaj politikano dživdipa
