Akava si baro kompleksno problemi thaj seriozno forma taro terori so si bazirime upral jeripa, thaj teleperavipa manušengere niamenge, majbut ko džuvlja. O pharo hali kote arakhen pe majbut o Roma thaj učo nivelo čorolipasi majlokheste te khuvel pe ko sindžiri taro kkinobikinipa e manušencar.
I manipulacia e Romane populaciaja si lokheste soske si marginalizirime thaj lačheste khuven javerenge ko fokusi taro interes. O Roma si sako drom majtele ko nivelo taro socio - ekonomsko aspekti.
O pozitivno stavi kaj mangen te džan avrial tari tehm kerel len panda polokheste sar viktimi. O Rodaripa ki odoja tema sikavel kaj majšukar kerde lafencar kaj odori ka arakhen siguriteti sar taro ekonomikano thaj socialno aspekti, ola lokheste astaren pe ko šukar lafia. Ko jekh panda poriziko si i džuvljani populacia, kote palo odova legaren len thaj istemalkeren len ko buteder umalja a majbut an i prostitucia. Prekal o rodaripa taro desave NGO organizacie an i Makedonia sar majbut riziko tari romani populacia si o Roma so dživdinen an o Skopje, Prilep thaj Štip.
O Roma majlokheste šaj te hovaven pe sebepi o dende lafia taro odola organizatoria so keren kinobikiba e manušencar. O destinacie so si olenge vakerde si primamlivo thaj ko sako vazdel o mangipa bašo majšukar dživdipa. Kana ikljon ko realiteti, ov palo odova nane le alusar sar te šaj ikaven pe tari odoja situacia.
