Jekh taro majpendžarde balkansko bendia "Mostar sevdah reunion" sine len koncerti an i bari hala ko Kolaričevo udruženje. Sa o thana sine pherde, a i publika sine lošali tari prezentirimi muzika thaj bare aplausencar bičhavegje suporto e bendeske so an o Beograd alo palo saste 12 berša.

I Grupa an o piro repertoari sine le sevdalinke thaj romane gilja an o moderno aranžmani taro ofto albumia so akale koncerteske sine editorime ko 90-to berša kana formiringja len o producento thaj menadžeri Dragi Šestić. Jekhutni numera so na kergje la an o repertoari, a e publikake si majmangli odoja si "Emina", kote o "Mostar sevdah reunion" so kerelala e Ljiljana Batler, numa thaj bizi odoja da gili i publika dela sine bare aplauzia.

Šukrikerinaja taro baro muzikakoro talento thaj instrumentalno džanlipa, o Boban Marković sine vazdime an o piedestalo e trubaja an i sasti lumia thaj ulo lumiakoro anav.

O majšukar lumiakoro muzikakoro magazini an i anglikani čhib , Songlines, o Boban Marković gejnenea an o 50 majšukar insrumentalistia an i lumia , sar jekhutno trubači an i lista. Olengoro „Gipsy Manifesto“  prekal o alusar taro amerikansko sajti  Worldmusiccentral.org  si havljardo sar majšukar alkbumi an o 2013 berš. Ko akava albumo si čhivde buteder elementia , neve isntrumentia, aver ritmithaj senzibiliteto. Trubl te akcentirinel pe kote an o votiva than lelja i sasto publikumi an i lumia, a i konkurencia sine but zorali.

O Boban Markovič i truba nane salde instrumento, nuam thaj džuvdupa. tari truba egzistirinela, olaja si amala, resel neve amala thaj rdoela baripa. Bašavel soske mangela thaj i muzika si leske an o ilo. I truba si oleskiri jazia. Ov si perfektno muzičari , virtuozo e trubake, sebepi o talento ritameske thaj muzikake, e trubaja si sako momenti, thaj kerel oleskoro bašavipa so angledr sine prezentirime an o bijava akan si pendžardi an i sasti lumia.