Pativalen drabarutne , taro avdive em majodoriga ko kontinuiteto ka ovel miro čalipa te hulavav tumencar miri percepcia, analize, stavi em dikhiba.
Numa te džav ki korkoro poenta. Savore džanaja kaj o fokusi tari sama saste lumiate si i globalno Pandemia taro Covid 19 a te kergjem lokacia regionalno kontkretno premal amari them trujal i Pandemia o fokusi si em ko starti taro preporake bašo khujbe e R.Nmakedonia ki EU thaj o kerdo veto tari Republika Bugaria.
Odoleske sar „učharin“ si o momenti konektirime e Romane jekhinake ki amari them. Angleder sa gindinel pe ko disave kerde aktia taro Makedoniakoro Gfovermento em pozicioniriba ko funkcie (ministeria, viceministeria em aver pozicie) Fakti si kaj palo pozicioniriba odole pozicienge nesar i Romani jekhin sin nesar „bisterdi“ soske ko odola pozicie nane notirime ni jekh Rom.
Odova momenti kergja baro mazunipa em diferentno komentaroa taro Romani jekhin ki them . Numa trujal so kergja mazunipa ko Roma aver na sine nisavi reakcia.
Ama trubul te del pe jekh retoričko pučiba.“Ko se bange akale situaciake“Si li bangi o legaripa, i them jali o romano politikano bloko? O komentaria si taro „Romano sindromi taro najekhipa em personalno intereso si akana viktoria“ Trao aver etnikumia tari them bizi diferenca kobor dikhen kontra politikane akcie, kana kerel pe lafi bašo nacionalno interesi, odothe ola ačhovena barabutne em na dikhen pire interesia sar individue.
A ko amare Roma si tersene, soske kama te phergjon a,are personalno interesoa.
Egzamplo si i nevi pozicia - Funkcia ko Govermentoi Direktoriumi! Angleder akaja pozicia sine notirime sar „Ministeri bizo resoro“ kote ko nakhle berša legaren la sine kadria tari partie so si ki kolaicia e mnadatorea taro Govermento so kerel o Govermento.
Akana kana si averanavkerdi akaja funkcia akansake nane khanči pozicirionime aso o neve kanonikane aktia trubulk te keren pe trampe odole poziciake so ka oven la majbuvleste ingerencie.
Odova havela pe kaj ka ovel nevi sistematizacia ko bukjarne thana ko nekobor ministeriumoa (Socijala, sastipam transport , Kultura, terne thaj sport) kote dži akana sine sektoroa em legarutne odole sektorenge em konektirime e romane pučibaja , so akana trubul te oven telal o ingerencie taro Direktoriumo.
A paralelno odole momentoa keren pe koaliciono phanle lafia ko ka lel akaja pozicia. Em ko than te ovel andi decizia bizo desavo pobaro problemi a odova indiorektno odoja pozicia te lel la nesavi politikani partia – partneri ko Govermento (sar ko nakhle berša) akana akava procesi nesar sar te prolongirinel pe jali mangipaja jali na. Si li akava prolongiriba e faktestar kaj o sesktoria so sine dži akana ko ministeriumoa so lungo vakti sine rezervirime jekhe isto manušenge so lena sine akala pozicie em akana šaj te ačhon taro jekh drom bizi buti. Si li odova faktori so o bukja si čhinavde em ačhile agjaar?
Džanaja kaj isi but bari buti em problemia so arakhen pe i romani jekhin ki them em trubul majsiga te ovel o aktiviteto taro Direktoriumo, a o fokusi si legarde ko aver than (sar so si angleder vakerdo) akava pučibe si sar hari defokusirime.
Pučibas dži ko Govermento , si len li ko piro Budežeto bašo 2021 berš love akale Direktoriumeske em oleskiri funkcia thaj love so ka oven ko Direktoriumo so ka oven hulavde sao prioriteto em standardia em kriteriumia . Jali ka udažerel pe ko januari dži berše o nevo Rebalans e budžeteske.
Šaj o govermento pakjala lo dosavi finansisko inekcija nesar avrial dan te šaj lokheste te nakhel finasisiki e Direktoriumea.
Me gindinav kaj bizi diferenca o Direktoriumi dži ko agor taro 2020 berš ka oficijalizirinel pe e,m ka profunkcionirinel em ka khuvel ki agenda sar otčet e Govermentoske kaj ake bašo avgo 100 divesa kergje ola da buti . Fakti si kaj nakhena ake 3 masekoa sa o minsiteria em viceministeria si pozicionirime salde ko Direktoriumo isi panda „blokada“.
Soske isi „blokada“? Ki them li blikada, ko ministeriumia li i blikada ko sektoria li si i blikada soske ola ka džan telal o ongerencie taro Direktoriumo jali i blokada si taro desavp avrutno aver faktori?
Kobor te prolongirinel pe akaja buti ko sig vakti ka valjani te kerel pe. A ko ka ovel ko čekat taro akava nevo Direktoriumim e odova si aver buti! Odoleske – sastipe ka dikha!
Zoran Dimov
