O politikane partie thaj o biathinale kandidaroa bašo dizjakere šerutne thaj konsiloskiri lista. O roko nakhlja ko šatrtodi - 14.09.2017 ki jekvaš i rakj , a o alusariba ka ikerel pe palo jekh masek.

O partie ko thavdipa taro idžeratutno dive te finalizirinen o liste thaj havljariba o anava taro kandidatia so ka oven aktivno an o lokalno alusariba.

Odoleske ko komunakoro nivelo an o Šuto orizari baši funkcia dizjakoro šerutno an o 15 oktomvri ka len than o džiakanutno dizjakoro šerutno taro SRM -Elvis Bajram thaj kandidati taro SDSM - o aktuelno deputato Kurto Duduš.

Sar legarutno an i lista bašp Konsilo an i komuna taro SRM si notirime o aktuelno deputato Amdi Bajram, a taro SDSM o Gege Demirovski.

Biš thaj trin politikane partie so si an i koalicia legardi taro Socialdemokratsko unia e Makedoniake erati ko ofiso taro SDSM čhivgje signatura baši koalicia ko lokalno alusariba.

Maškar akala politikane partie isi thaj 4 Romane partie, odola si : PCER Samka Ibraimovski, OPER - Neždet Mustafa, Šaban Saliu taro DSR thaj Demokratikani Partija e Romenge DPR- Milazim Sakipov.

Anglal o lideria e partienge so dengje signatura baši koalicia, o prezidenti taro SDSM Zoran Zaev vakerga „ i koalicija kova so persi berš lelja than an o  Parlamentarna alusariba, akana si masjbuvli panda nekobor partiencar, so angje faisali te den suportoe trampaske an o dživdipa an i Makedonia"