I Anabela Sakipović (24), diplomiringja ko Pravno fakulteti an o Niš thaj si jekh taro majsukcesiale thaj majsocialno angažirime terne Romane čhija an o Niš. Oj si jekh taro majšukar egzamploa sar te nakhavel pe I stigma ko akava sasoitniopa thaj inkluzia e ternenge koo sa o umalja taro sasoitnipa.
Trujal so si la salde 24 berša I Anabela šaj ovel garvasiali kaj lelja than koo baro numeroo proektoa taro NGO thaj jekh berš volontersko butikeriba ko Ofiso e lokalno ekonomsko progreseske an I diz Niš. “Isi stereotipoa e Romenge kaj si melale, kaj čoraja, na educirina amen , kaj siem khanduvale. Amen o educirime keraja zori te sikava aver ilustaracia e Romenge. Akana buteder Roma džana an o fakultetoa . Ko pravno fakulteto siem deš džene a ko aver barem jekh ama em pobuter. Normalno odova nane panda but ama sar sine angleder deš berša dćaja majodoriga. Majbut odova kergja I Dekada e Romengiri, Oj angja afirmativno aktoa em dengja baro suporto te lačharel pe I situacia e Romencar ki edukacia, Akana sar majbaro problem e Romenge si I buti . O Roma kana agorkeren piri škola but phareste arakhena buti odoleskesoske si diskriminirime, ama pakjava kaj ka ovel pošukare “ vakerela I Anabela.
