O president tari proeuropakiri romani partia Partida Romulor o Nikolae Paun an I emisia “ Taro Romano dživdipa” vakerel kaj 2.5 milionia manuša na sine vizitkerde ko vakti tari statistikani operacia Hramovipa an I Romania ko 2020 berš. “Isi amen 2.5 milionia manuša so nane vizitkerde an I teritoria tari Romania em nadćanaja si li murša, džuvlja thaj kote bešena. Na keraja lafi savo si olengoro etnikumo . Nadžanaja ni kobor manuša si amen an I dijaspora , soske o ambasade thaj o konzulatoa na sine konektirime ko akava proceso” vakerel o Nikolae Paun.
„Te ikergjam o procento taro 3,4% reprezentativiteto ko nivelo e Romaniake, taro vizitkerde manuša , tegani te ikergjem I proporcia bašo 2.5 milionia manuša so na sine registririme , ka resa kote isi 630.000 romansko themutne so si romane nacionalitetoa, saste kobor sine em ko 2011 berš. A an I dijaspora isi majhari 60.000 Roma so nane len themutnipe so sakodive dromarena ko phuvja taro Romaniakoro trujalipa ko thema em ki Romania” vakerel o president taro APRPE.
